ထိုင်းဘာသာစကား သင်ခန်းစာ

ထိုင်းဘာသာစကား သင်ခန်းစာများ ရွှေ့ပြောင်းပညာသင်ကြားရေးစင်တာများရှိ ကလေးများနှင့် လူငယ်များအတွက် ထိုင်းဘာသာစကား သင်ရိုးညွှန်းတမ်း

သင်တန်းမိတ်ဆက်

ဤထိုင်းဘာသာစကားသင်တန်းကို ဂျပန်အစိုးရ၏ ပံ့ပိုးကူညီမှုဖြင့်၊ ဘန်ကောက်ရှိ UNESCO ဒေသဆိုင်ရာရုံးနှင့် အာရှ-ပစိဖိတ်ဒေသဆိုင်ရာ ကုလသမဂ္ဂ ညှိနှိုင်းရေးရုံး (UNESCO Bangkok) တို့၏ ရွှေ့ပြောင်းကလေးငယ်များ စောင့်ရှောက်ရေးနှင့် ပြန်လည်ထူထောင်ရေး စီမံကိန်း အောက်တွင် Tak Community College မှ ရေးဆွဲပြုစုထားခြင်း ဖြစ်ပါသည်။

ဤသင်တန်းကို Tak Community College ၏ ထိုင်းဘာသာစကားစွမ်းရည်နှင့် အသက်မွေးဝမ်းကျောင်း ဖွံ့ဖြိုးတိုးတက်ရေး သင်တန်း မှ မှီငြမ်းပြုစုထားခြင်း ဖြစ်ပြီး၊ နေ့စဉ်ဘဝတွင် ဆက်သွယ်ပြောဆိုရန်အတွက် ထိုင်းဘာသာစကား စွမ်းရည်များကို အသုံးပြုလိုသော သင်ယူလေ့လာသူများအတွက် သင်ကြားသင်ယူမှု လုပ်ငန်းစဉ်၏ တစ်စိတ်တစ်ဒေသအဖြစ် ရည်ရွယ်ထားပါသည်။

ရည်ရွယ်ချက်များ

သင်ယူလေ့လာသူများအနေဖြင့် ဗီဒီယိုဖိုင်အတိုများမှတဆင့် ထိုင်းဘာသာစကား၏ နားထောင်ခြင်း၊ ပြောဆိုခြင်း၊ ဖတ်ရှုခြင်းနှင့် ရေးသားခြင်း စွမ်းရည်များကို အဓိကထား၍ လေ့လာနိုင်စေရန်၊ ထိုစွမ်းရည်များကို နေ့စဉ်ဘဝတွင် လိုအပ်သော ဘာသာစကား အသုံးချမှုများအတွက် အသုံးပြုနိုင်စေရန် နှင့် ဆက်လက်လေ့လာသင်ယူမှုအတွက် အခြေခံအုတ်မြစ်အဖြစ် အသုံးချနိုင်စေရန် ရည်ရွယ်ပါသည်။
သင်ယူလေ့လာသူများအနေဖြင့် သင်ယူမှုဆိုင်ရာ အရင်းအမြစ်များကို အသုံးပြုပြီး မိမိတို့၏ ကိုယ်ပိုင် အရှိန်အဟုန်အတိုင်း ထိုင်းဘာသာစကား စွမ်းရည်များကို လွတ်လပ်စွာ လေ့လာသင်ယူနိုင်စေရန် ရည်ရွယ်ပါသည်။
ဆရာ၊ ဆရာမများအနေဖြင့် ဤသင်ရိုးကို မိမိတို့၏ သင်ကြား၊ သင်ယူမှု လုပ်ငန်းစဉ်များတွင် အထောက်အကူပြု အစိတ်အပိုင်းတစ်ခုအဖြစ် အသုံးပြုနိုင်စေရန် ရည်ရွယ်ပါသည်။

သင်ခန်းစာ ဖွဲ့စည်းပုံ

ဤထိုင်းဘာသာစကားသင်တန်းသည် စုစုပေါင်းကြာမြင့်ချိန် နာရီပေါင်း (၁၆၀) နာရီ ရှိပြီး၊ ယူနစ် (၂) ခု ခွဲခြားထားပါသည်။

ယူနစ် (၁) – ထိုင်းစာဖတ်ရှုခြင်းနှင့် ရေးသားခြင်း (၇၀ နာရီ)
ယူနစ် (၂) – ဆက်သွယ်ပြောဆိုမှုအတွက် အခြေခံထိုင်းဘာသာစကား (၉၀ နာရီ)

မည်သူများအတွက် ရည်ရွယ်ပါသနည်း။

ဤသင်တန်းသည် ရွှေ့ပြောင်းပညာသင်ကြားရေးစင်တာများ (Migrant Learning Centres – MLCs) တွင် သင်ယူလေ့လာနေသော ကလေးငယ်များနှင့် လူငယ်များ အတွက်သာမက ထိုင်းဘာသာစကားကို စတင်လေ့လာလိုသူ သင်ယူလေ့လာသူများ အတွက်ပါ ရည်ရွယ်ထားပါသည်။